Bu yaxınlarda "Şərq ailəsinin sirrləri" adlı bir kitabda çox maraqlı mövzuyla qarşılaşdım.Bu mövzuya öz fikirlərimi və düşündüklərimi qatıb sevimli Qadin.Netxanımlarının görüşünə gəldim.
Dövr,zaman fırlandıqca həyat öz "diqtəsini" göstərməkdə davam edir, bizlər inkişaf edirik. Baş verən hər yeni hadisəni 'inkişaf' və 'dövrün tələb'i olaraq qəbul edib,lazım oldu-olmadı alqışlayırıq. Mövzudan uzaqlaşmayıb mətləbə keçmək istərdim.
Əsrimizin tələbinə uyğun olan neçə-neçə idman oyunlarının şahidiyik.
Əvvəllər kişilərin, indi isə zərif, incə məxluqlu xanımlarımızın 'finala' vəsiqə qazanmasına gətirib çıxaran-idman oyunlarından gedir söhbət...
Bu oyunlar bəzən xanımların kişilərdən də 'güclü' olmasını bizlərə göstərdi. Azarkeş məhəbbəti, azarkeş alqışı hər bir idmançının qürur yeri, emossiyalarının təntənəsi, nəhayət vətəndaşlıq inadıdır...
Bu müqəddəs hissləri yaşayan qadın, bəzən zərifliyini, incəliyini unudur. Şəxsi həyat, ailə bu qadına görə sonuncu plandadır.
Cəmiyyətin mənəvi sağlamlığını qadın təmin edir. O qadın top dalınca qaçan bir futbolçu,qollarının gücünü güləşdə sınayan bir güləşçi, əzələlərini ağırlıq qaldırmaqla nümayiş edən bir məxluq olmamalı, məncə. Qadın istər-istəməz top dalınca qaçarsa, rinqə çıxarsa, buna cavan qızlarımız da həvəslənərsə-o zaman onlarda zəriflik axtarmaq əbəs deyilmi?
Qızlarımızın futbola, güləşə, boksa və bu kimi idman novlərinə meyl etmələri,qazandığı qələbələri-bizləri qürurlandırır, fəxr edirik.
Amma qazandığımız bu 'müsbət' emosiya qarşısında onlarda yaranan 'mənfi' emosiyalar?...
Tarixdə at belində döyüşən, kişilərlə üzbəüz vuruşan qadınlarımızı da örnək gətirməyə ehtiyac yoxdur. Kim at çapan qadına irad tutar?
Yaxud gimnastika, buz üstə rəqs və bu kimi oyunlara kim etiraz edər?
Müasir inkişaf qızlarımızın inkişafını niyə 'zərbə' vurmaqda görür? Bəs onların sonrakı taleyi? Niyə onlar zərifliyini,gözəllik və təravətini idmanın ağır növlərində itirməlidirlər?...
Sonra gec olmazmı?..
Şərh yazmazdan əvvəl dahi ekstrasens A.Kaşpirovskidən gətirdiyim bir sitati unutmayın: 'Mən bu məxluqun gücünü-onun zərifliyi və təravətində görürəm...'