Tatuaj müxtəlif simvolların və ya şəkillərin bədəndə əks olunmasıdır. Hindlilər, yaponlar, Amerikanın yerli əhalisi və Afrikadakı bəzi qəbilələr tatuajdan bəzək kimi istifadə etsələr də, bir çox cəmiyyətdə döymə xəstəliklərə və pis ruhlara qarşı qoruyucu tilsim kimi qəbul olunur.Döymə qədim ənənədir. Qədim Misirdə tatuajdan istifadə edilməsi mumiyalardan aydın olmuşdur. Misirlilərdən başqa britonların, qalyalıların və trakların da döymələri olub. Qədim yunanlılar və romalılar günahkarlara və kölələrə tatuaj edərdilər. Xristianlıq inancında döymə qadağan edilmişdi. Buna qarşı olan ilk xristianlar bədənlərinə İsanın adını, ya da xaç naxışları daşıyan döymələr etdirmişlər.Əsrlər keçdikcə avropalılar tatuajı unutdular. XVlll əsrin sonlarında Amerikanın yerli əhalisində və polineziyalılarda tatuaj sənəti yayılmışdı. Avropalılar "döymə"nin qarşılığı olan "tattoo" sözünü tahiti dilindəki "tautau" sözündən götürmüşlər. Döymə sənəti XX əsrin əvvəllərindən sonra xüsusilə dənizçilər arasında məşhur idi.
Sizlərə bir neçə maraqlı tatuaj nümunələrini təqdim edirəm.
Sizlərin də tatuaja olan münasibətinizi bilmək maraqlı olardı.
