Paltarınızı dartmayın!
Dünyanın ən gözəl paltarını geyinsəniz belə, paltarın bu və ya digər hissəsini müntəzəm dartaraq qəşəng olmanız mümkün deyil! "Yaxam açıldı, bu köynək dar oldu" deməyin. İstər cins, idman köynəyi geyinin, istərsə dəkiçik qara don -əhəmiyyətli olan paltarın içində özünə inamlı görünməkdir. Buna görə də geyindikdən sonra özünüzə güzgüdə baxın, paltarınızdan əmin olduqdan sonra rahat olacaqsınız!
Tərzlərlə oynayın!
Ən son filmlərə baxaraq fərqli tərzləri bir-birinə qarışdırmaq stil sahibi olmanın ən əhəmiyyətli yoludur. Tərzlərlə oynaya bilməniz üçün bir məsləhət, məsələn:bahalı markalarla ucuz parçaları birləşdirə bilərsiniz. Ancaq tərzləri qarışdırarkən diqqət etməniz lazım olan məqamlar var: çanta, ayaqqabı və kəmər üçlüyünün rəngini uyğunlaşdırmağa çalışmayın.Torpaq tonlarını, ya da solğun tonları öz aralarında qarışdırın. Qırmızı, sarı, yaşıl ya da bənövşəyi kimi tünd rəngləri isə daha sakit rənglərlə ya da cinslə birlikdə geyinə bilərsiniz.
Markaları çox ciddi qəbul etməyin!
Fərdi tərziniz bir markanın mövsümlük kolleksiyasına sahib olmaqdan daha əhəmiyyətlidir. Təbii ki markalar kolleksiya hazırlayarkən bir-birləriylə uyğun parçalar meydana gətirir və bu parçalar, heç şübhəsiz ki, vitrin manekeninin üzərində yaxşı görünür...Amma stil sahibi olmaq istəyirsinizsə, bunu etməkdən çəkinin! Qəşəng olmaq mütləq paltar demək deyil! Sadə parçalarla da qəşəng ola bilərsiniz. Əsas odur ki, özünüzə güvənin.
Trendləri izləyin!
Gələcək mövsümlərin trendlerini izləyərək, hər kəsdən fərqli geyinə bilər, özünüzə xas bir stil meydana gətirə bilərsiniz. Bir çox sosial şəbəkələr bütün dünyada küçədəki geyim formalarını çox yaxından izləyir, dizaynerlərin işlərini nəzərdən keçirir və səhnədəki son trendlərdən xəbər verir. Moda şüurunuzu inkişaf etdirmək üçün nizamlı olaraq trendləri izləməkdə fayda var!
Klassiklərdən əsla imtina etməyin!
Nəhəng günəş eynəkləri tək bir mövsümün hiti olduğu halda,Ray Banın pilot eynəkləri vaxtsız bir ikondur! Buna görə dəklassik parçalar almaqdan imtina etməyin. Bir qarderobun əsas klassikləri nələr olmalıdır? Bədənə oturan cins; klassik, keyfiyyətli bir şalvar-yubka-pencək dəsti, bir neçə cüt qəşəng çəkmə və hündürdaban ayaqqabılar. Bu, geyimlərdə əhəmiyyətli olan keyfiyyətdir. Ona görə dəbir az daha çox xərcləməyi nəzərə alın.
Çox bəzənməyin!
Geyinərkən bu sözü ağlınızdan çıxarmayın: bir çox qadın aksesuarı şişirdir. Halbuki, stil sahibi kimi görünmək istəyirsinizsə, əsla broş, boyunbağı, sırğa, bilərzik və üzüyü eyni anda taxmayın. Əgər dəbdəbəli sırğalar taxmaq istəyirsinizsə, boyunbağıdan imtina edin. Ya da zərif bir boyunbağıyla xoş bir üzüyü tamamlaya bilər və ya boyunbağını bir bilərziklə istifadə edə bilərsiniz.
Favorit dizaynerinizi təsbit edin!
Stil sahibi olmanın ən asan yolu budur: bir dizayneri favoritiniz halına gətirin. İşlərini izləyin, stilinizi ona görə təyin edin. "Amma mənim dizaynerdən paltar almağa pulum yoxdur" deyirsinizsə, bu məsləhəti dinləyin! Bir çox markalar dizaynerlərin işlərini təqlid etdiyindən, çox pul xərcləmədən də stilinizi qoruya bilərsiniz. Onsuz da mütləq məşhur bir dizayneri izləməniz lazım deyil. Bir çox gəncdə qabiliyyət var, onları tapmanız belə moda şüurunuzun yüksək olduğunu göstərər.
Makiyaja və baxıma hər zaman diqqət yetirin!
Nə qədər qəşəng geyinirsəniz geyinin, əgər saçınız-başınız dağınıq, əlləriniz manikürsüzdürsə, hər vəziyyətdə baxımsız görünəcəksiniz. Bu səbəbdən stil sahibi olmaq üçün əvvəlcə fərdi baxımınıza əhəmiyyət verin. Əl və ayaq baxımına laqeyd yanaşmayın, artıq tüklərinizi qışda belə alın! Saçlarınıza yaxşı baxın.
Qarderobunuzu səliqəyə salın!
Həmişə geyimlər alıb, heç kimə vermirsinizsə, qarderobunuzun dolmaması mümkün deyil! İldə iki dəfə qarderobunuzu nəzərdən keçirin. Əyninizə olmayan və heç əlinizə almadığınız geyimləri kiməsə bağışlayın, ehtiyacı olan adamlara verin. Həmçinin qarderobda paltarlarınızı rənglərinə görə düzsəniz, qarderobunuz daha az qarışar.
