Natalie Suarez modeldir və dəbli blok sahibələrindən biridir. ABŞ-da, Los- Anceles ştatının Nyu-York şəhərində doğulub. 19 yaşı var. Özünün dediyinə görə, 15 yaşından model kimi işləyir, zaman keçdikcə öz geyim tərzini inkişaf etdirmiş, çəkilişlər zamanı öz bədəninə nələrin yaraşdığını hiss edərək, geyim tərzini də buna əsasən yaratmışdır. Natalie model olarsa, geyimlərinə daha çox fikir verə biləcəyini düşünüb. Hal-hazırda ayaqqabı dizaynı və öz mahnılarını yazdırmaqla məşğuldur. Kiçik yaşlarından "Teen Mag", "Seventeen", "Teen Vogue" kimi jurnallarla maraqlanmış və nəhayət, modelliyə başladığı vaxtdan üç il sonra, 2007-ci ildə özünün "Natalie Off Duty” adlı dəb bloqunu yaratmışdır. Bu bloqda Natalie modellik etmədiyi vaxtlarda nə ilə məşğul olduğunu - musiqi, dizayn, fotoqraflıq, həm də öz geyim tərzi haqda məlumatlar verib.
O, bloqunda yaradıcı azadlığı təmsil etmişdir. Maraqlısı budur ki, Natalieni bloq yaratmağa böyük bacısı məcbur etmişdir. O, daima Natalieyə məşhur dəb bloqlarından danışaraq, əgər bloq yaratsa, onun da məşhur olacağını söyləmişdir. Beləliklə, bloq yaradılır və ilk şəkillər Natalienin həyətdə, evdə, divarın qarşısındakı şəkilləri olur.
Blok sahibəsi qeyd edir ki, özünün bu şəkillərdəki dağınıq, onu laqeyd göstərən bu saç stilini sevir. Suarez, belə desək, qolbaq və üzüklərin dəlisidir.
Natalie Suarez "Volcommunity" adlı bloqa da üzv olmuşdur. Buradaonun modellik həyatından bəhs edilənayrıca səhifə vardır. "Glamour" jurnalının “Slaves to Fashion” adlı online bölməsində qeydiyyatdadır. Burada Nataliedən internetin cavan və dəbli bloq sahibəsi kimi söhbət açılır. Bu bölmədə Natalie Suarez oxuculara öz stilindən və ilhamından danışır.
2011-ci ildən "Volcom" şirkəti ilə müqavilə bağlayaraq, iki il müddətində onların modeli kimi işləmiş, şirkətin payız və bayram dizaynlarının siması olmuşdur. "Volcom"dan başqa, Natalie Suarez İspaniyada "Mango"nun da yaz kolleksiyalarının çəkilişində iştirak etmiş və "Que Me Pongo" adlı videoçarxında rol almışdır.
Natalie digər insanlar kimi adi geyimləri sevmir, daim başqalarından seçilmək üçün nadir tapılan paltarlar geyinməyə çalışır. "Mango", "Zara", "Forever 21", and "H&M" kimi firmaların paltarlarını sevir. Sevdiyi dizaynerlər Dries Van Noten, Celine, Chloe, Alexander Vang, and Rebecca Taylordur.
Qarderobunda insanı şənləndirən şux rənglər üstünlük təşkill edir. Natalieyə görə, bloq yaratmaq dəbə olan sevgisini nümayiş etdirməyin ən yaxşı üsuludur.
Dəbdən əlavə, o, hələ kiçik yaşlarından piano çalır, mahnı oxuyur, hətta təzəcə gitara çalmağı da öyrənib. Musiqi Nataieni rahatladırmış. Sevdiyi ifaçılar Bob Dylan, The Rolling Stones,Michael Jackson,The Kooks, Led Zeppelin, Kings of Leon, Stevie Nicks-dir. Yaradıcı, ağıllı, ilham ala biləcəyi insanlarla işləməyi üstün tutur. Səyahət də blok sahibəsinin sevdiyi hobbilər sırasındadır.
Sonda isə sizə blok sahibəsindən bir musiqi təqdim edirəm: