Ümumi məlumat
Nədənsə, əksər xanımlar arıqlamaq üçün yemək yemirlər. Ancaq bu çıxış yolu deyil, hər şey daha da pis ola bilər: maddələr mübadiləsi pozulur, orqanizm lazımlı vitamin və minerallar qəbul edə bilmir, nəticədə orqanizm şoka düşür, və "fikirləşir ki", "vəziyyət" gərgindir. Belə olduqda orqanizm piy ehtiyatı yığmağa başlayır. Elə buna görə də düzgün qidalanaraq arıqlamaq lazımdır. İlk əvvəl - səhər yeməyi, nahar və şam yeməyi ön planda tutulmalıdır. Orqanizmi qorxutmamaq üçün müntəzəm olaraq vaxtı-vaxtında qidalanmaq lazımdır. Lakin səhər yeməyi zamanı doyumlu yemək kotlet yemək demək deyil. Doyumlu yemək o deməkdir ki, orqanizm 400 kkal qəbul etməlidir. Səhər yeməyi zamanı meyvə və dənli bitkilər qəbul etmək lazımdır ki, orqanizm vitamin və karbohidratlarla zənginləşsin. Nahar zamanı mütləq tərəvəz şorbasi yemək lazımdır. Şorbadan əlavə, nahar zamanı balıq, ət və tərəvəz yeyə bilərsiniz. Şam yeməyi 18.00-dan gec olmamalıdır. Alimlərin tədqiqatına görə axşam saat 6-dan sonra qəbul edilən yeməyin tərkibindəki maddələr istifadə olunmur, yığılıb qalır. Məhz buna görə də axşam çox yemək lazım deyil. Şam yeməyi üçün ideal variant pörtlənmiş tərəvəz ola bilər.
Yemək haqqında məlumat:
Meyvə, xüsusən sitrus meyvələri - Belə meyvələr vitaminlə zəngindir və iştahanı azaldır.Tərəvəz- Əksər tərəvəzlərin tərkibində orqanizmə lazım olan vitamin və minerallar olur.Süd məhsulları - kalsium mənbəyidir.Zülallı ərzaqlar - qızıl balıq, toyuq, paxla.
Su - orqanizmin yaxşı işləməsi üçün gün ərzində minimum 2 litr adi, qazsız su içməlisiniz. Yaz dövrü üçün su pəhrizini də saxlamaq olar. Arıqlayarkən bir ərzaqla kifayətlənmək lazım deyil. Həm sənə, həm orqanizmə hər gün yeni bir şey qəbul etmək xoş olar. Faydalı bir ipucu - böyük boşqabı kiçiyi ilə əvəz edin. Təbii ərzaqlardan daha çox istifadə edin. Rəngli maddələr, konservantlar və digər təbii olmayan əlavələr orqanizmdə maddələr mübadiləsini poza bilər, bu zaman da arıqlamaq mümkün olmaz.
Nələr qadağandır?
Yağlı yeməklər- Arıqlamaq istəyirsinizsə, mayonez, kərə yağı, yağlı pendir, ət və süd məhsullarından imtina edin.
Qızartma yeməklər- İstənilən qızardılmış xörək yağlı hesab olunur. Kaloridən əlavə, belə yeməklərin tərkibində kanserogen vardır ki, bu maddə heç vaxt orqanizmə kömək etməyəcək. Ən yaxşısı, xörəklərinizi suda bişirin, qaynadın və pörtlədin.Un məmulatı və şirniyyat- Bulka, tort, konfet, şirin çaydan imtina edin. Qənd əvəzinə bal; südlü şokolad əvəzinə tünd şokolad; konfet əvəzinə qurudulmuş meyvələrdən istifadə edin.
Tez-bazar hazırlanan yeməklər - sosiska, kolbasa, konserva, pizza, xüsusən fast-fud- bunlardan imtina edin. Çay,kofe şəkərli,şəkər əlavə edilmiş şirələr,kokteyl və kvas- Bunlardan da imtina edin. Spirtli içki - bu, orqanizmə arıqladıqda çox pis təsir edir. Əgər həqiqətən də arıqlamaq istəyirsinizsə, bir ərzaqla kifayətlənmək düzgün deyil. Düzgün qidalanma ilə yanaşı müntəzəm olaraq idmanla da məşğul olmaq lazımdır. Bu, sizə yaz fəslində arıqlamağa kömək edəcək. Səndən tələb olunan şey iradə və istəkdir.
Sən ki, gözəl olmaq istəyirsən, elə deyilmi?
