Gəlin zorakılığa yox deyək!
Zorakılıq qadını sağlam və dolğun həyat yaşamaqdan məhrum edən bir vəziyyətdir. Bir dəfə zorakılıq tətbiq edən adam bunu mütləq yenə təkrar edəcəkdir.Əriniz sizə qarşı zor tətbiq etdisə, ikinci dəfə bu halın təkrarlanmaması üçün onu qəti bir şəkildə xəbərdar etməlisiniz.Bəlkə deyəcəksiniz ki,bunu anlayan həyat yoldaşı heç bunu edərmi!?
Bəzi ailələrdə bu vəziyyət hər gün yaşanmasa da tez-tez təkrarlanır.Misal üçün,kişi çox içkili olanda,öz planında qurduğu işləri yolunda getməyəndə,işsizlikdən və s hallarda.Bu misalları ilk dəfə özüm oxuyanda çaşdım ki,niyə xüsusən işsiz olanda bu hallar baş verir!?
Psixoloqların ümumi rəyinə görə, bunu həmin insanı müayinə etməklə aşkarlamaq olar.Amma daha çox bu tip kişilər həyat yoldaşına işləməsələr də "kişiliyini" bu yolla sübut etməyə çalışırlar.
Yoldaşına əl qaldıran kişi əgər bağışlanılsa, sizin onu yenə bağışlayacağınızı bilər və sizə hirsləndiyi zaman bunu təkrarlaya bilər. Əgər sərt münasibət görməsə, bu, artıq onda vərdiş halını alacaqdır.Hər bağışlanma sonrakı bir zorakılığa dəvətnamədir. Təbii ki,bəzi istisanalar da var.Bunu edən həyat yoldaşı ola bilsin ki,bu vərdişi sonradan qazanıb.Özünə gələndən sonra həqiqi peşman olursa, ona kömək edib psixoloji yardım alması üçün cəhd etmək lazımdır.
Psixoloqların bir başqa rəyi də odur ki,təkrarlanan bu halı bağışlamasınlar.Bir psixoloq demişdir: "Təbii ki, dərhal boşanın demirik. Bu vəziyyətin sizi necə yaraladığını yoldaşınıza izah edin və lazım olsa, bir müddət ayrı yaşayın. Ayrı qalmaq onu bir müddət tək qalmağa və səhvini anlamağa yardım edə bilər. Səhvini anlayan və sizin sərt reaksiyanızı görən kişi etdiyindən peşman olub bu hərəkəti təkrar etməyəcək".
Təbii ki,bunlar ümumi rəylərdi.Bunu deməklə və ya yazmaqla anlaya bilmərik. Bunu yalnız bu acını yaşayan qadınlar anlaya bilər.Gəlin, qadın zorakılığına yox deyək!Həyatda bütün qadınlara sevdikləri ,onlara xoş həyat bəxş edən insanla xoşbəxt yaşamağı arzu edirəm.Hamınıza qadın xoşbəxtliyi arzulayıram.
