Tərkibi:
500 qr. un
1 ədəd yumurta
1 xörək qaşığı "Azərduz" yodlu narın xörək duzu
50 qr. duru yağ
Aparacağı qədər su.
Əvvəlcə suyu isidib ( adi xəmir suyu kimi) bütün ərzaqları una əlavə edərək xəmir yoğururuq. Bükərək 30 dəqiqə saxlayırıq.
16-14 kündəyə bölüb, kündələri yayıb açırıq.
Odun üzərində sacda bişiririk. Əgər sac yoxdursa, yuxanı dörd hissəyə bölüb qızdırılmış tavada da hazırlamaq olar.
Bir neçəsini üst-üstə sərib xəmir kəsən qayçı ilə kiçik hissələ bölürük. (Adi xəngəl xəmirindən kiçik)
Şəkildə gördüyünüz 4 litirlik qazana 3 litr su, 1 xörək qaşığı duz töküb qaynadırıq. Su qaynadıqdan sonra 6 yuxanı kiçik hissələrə bölüb qaynayan suya tökürük. Tez-tez qarışdırırıq ki, dibi yapışmasın, əgər xəmirlər qazanın dibinə çökürsə deməli bişib və odun üstündən götürürük.
Təqribən bir stəkan lobyanı qaynadıb, təmiz-təmiz yuyuruq.
Lobyaları bişmiş xəmirin üzərinə əlavə edib qarışdırırıq.
Artıq tutmac hazırdır.
Qatığı yaxşı açıb, zövqə görə bir diş doğranmış sarımsaqla qarışdırılır.
Qatıq əlavə edilərək süfrəyə verilir.
Nuş olsun!
