Əziz xanımlar, bu gün sizlərə kiçik qızlar üçün çox asan və gözəl bir ətəyin hazırlanmasını göstərəcəm. Onu qeyd edim ki, bu xəbərim davamlı olacaq. Hər dəfə sizə yeni bir geyimin tikilməsini göstərəcəm, həm də ən asan formada.
İlk olaraq saçaqlı ətəyin tikilməsindən başlamaq istəyirəm. Bunun üçün bizə lazım olacaq:
Saçaq (metrə ilə satılır)
Ona uygun parça (astar)
İynə
Sap
Rezin
Əvvəlcə uşağın ölçüsünü nəzərə alıb parçanı düzbucaqlı formada kəsirik. Həmin parçanı yenidən 2 hissəyə bölürük - ön və arxa tərəf olur.
Sonra isə saçaqların səliqəli tikilməsi üçün parçanın üstündə xətt çəkirik. Tikəndə o xətlərin üstü ilə tikilir. Ona görə də səliqəli və asan tikmək olur.Və başlayırıq sıra ilə saçaqları tikməyə.
Ətəyimizin ön (arxa) hissəsi artıq hazırdır. Mən hər hissə üçün 6 sıra tikdim. Ətəyin böyük və balacalığına görə saçaq sırasını artırıb-azaltmaq olar.
Hər iki tərəf də hazır olduqdan sona ətəyin ön və arxa hissəsini bir-birinə tikirik.Sonra isə ətəyin yuxarısında qalan parçanı qatlayıb tikirik və içinə rezin salırıq. Budur, artıq ətəyimiz hazırdır.
Qeyd: Bu ətəyə mağazadan heç bir kofta tapıb uygunlaşdıra bilmədim. Ona görə də koftanı da özüm tikməli oldum.
İndi isə başlayaq koftanın hazırlanmasına. Bunun üçün bizə lazımdır:
Sadə mayka
Saçaq
Onu da qeyd edim ki, uşaqlara aid belə qara rəngdə mayka tapmadığım üçün məcbur qalıb öz geyimimdən hazırladım
Əvvəcə maykanı uşağın ölçüsünə gətirmək lazımdır. Bunun üçünmaykanın bir çiynindən aşağıya qədər kəsirikvə yanını tikib saçağı yuxarı hissəsinə tikirik.
Bu qədər asandır. Budur, geyimimiz artıq hazırdır.
